32-ամյա Դավիթն ամուսնացած է, ունի երկու երեխա։

Նա մինչև 2016 թվականը 10 տարի ծառայել է բանակում, և վիրավորվել է պատերազմի ժամանակ գլխի շրջանում ստացած կրակոցից։

Արցախում վիրահատությունից հետո Դավիթին տեղափոխել են Երևան. 20 օր նա կոմայի մեջ էր։

Ապաքինվելուց հետո նա կարողանում էր շարժել միայն աջ ձեռքը... Դավիթը որոշ ժամանակ արդեն աշխատում է #MetaGait-ի ստեղծողի՝ Դավիթի հետ։ Վերջին մեկ ամսվա ընթացքում նրանք օգտագործում են MetaGait սարքը Դավիթի վերականգնողական բուժման ծրագրի շրջանակներում։

Թեև Դավիթը դեռ օգտագործում է քայլակ, նա այժմ կարողանում է ամեն ինչ ինքնուրույն անել։

Ինքը՝ Դավիթը, ասում է, որ MetaGait-ը սովորեցնում է իրեն նորից քայլել։

Ապագայի հանդեպ նրա ամենամեծ հույսը քայլելն ու երեխաներին հայ մեծացնելն է։

Նվիրաբերի՛ր հիմա։